تفاصيل حصرية على الفيلا ديال “ميتر گيمز” اللي كيقول كيعرف الملك في مراكش

برنماج SEPT A HUIT اللي كيدوز على قناة TF1 الفرنسية دار فيديو حصري مع المغني الكونگولي ميتر گيمز، وقالو بأنه كيعرف الملك محمد السادس، و ذكرو معطيات تم الكشف عليها لأول مرة.
وجا فالمقال لي نشرو اليوم الأحد موقع LCI، أن گيمز سلم في 2004، وساكن حاليا في فيلا مساحتها 2000 متر مربع، فيها قاعة سينما خاصة، واستوديو ديال التسجيل،
الرابور قال أنه ملي كان كيقرا، كانو صحابو بزناسة ديال الكوكايين والحشيش، ومكانش كيتفارق معاهم، لكن في الأخير ماطلعش بحالهم.
السيد عندو “جيت خاص”، كيخلص 15 ألف أورو على 4 رحلات من مراكش لفرنسا، وكيهز 4 ديال الناس، لا أقل ولا أكثر.
وقال المصدر، أن الرابور عايش فمراكش هادي دابا 5 سنين هو وولادو ب 6 ومراتو، وما كيفكرش يبدل حيت عزيزة عليه مراكش بزاف.
رابط الفيديو:
https://www.tf1.fr/tf1/sept-a-huit/videos/sept-a-huit-life-itre-gims-intime-jamais.html