“الديستي” طاحت على كمية كبيرة ديال الإكستازي ف سلا

omarelmouzaine@gmail.com
“لابيجي” ديال سلا قرقبات على جوج بزنازة بناءً على معلومات دقيقة وفرتها “الديستي”، مساء أمس الاثنين. هاد الموقوفين من بينهما سيدة تبلغ من العمر 22 سنة، ومتورطين فواحخ القضية كتعلق بالحيازة والاتجار في المخدرات والمؤثرات العقلية.
هاد السيدة، حسب بلاغ ديال مديرية البوليس، شدوها على متن كار كان جاي من مدينة طنجة، والتي تم العثور بحوزتها على 1498 من الأقراص المهلوسة ومخدر الإكستازي، وجرعات من الكوكايين، ومبلغ مالي يشتبه في كونه متحصل من عائدات الاتجار في المخدرات.
وأبرز المصدر نفسه أن المتهم الرئيسي فهاد القضية قرقبو عليه حتى هو على المستوى ديال المحطة الطرقية، والذي اتضح أنه موضوع أربع مذكرات للبحث على الصعيد الوطني من أجل الاتجار في المخدرات والمؤثرات العقلية.