تفكيك شبكة كتحرك الناس من طنجة وفيها جزائريين

“لابيجي” الشرطة القضائية ديال طنجة قرقبات هاد الصباح الخميس على شبكة إجرامية كانت كتنظم العمليات ديال الهجرة غير المشروعة والاتجار بالبشر. هادشي كشفات عليه المديرية العامة ديال البوليس ف بلاغ لها.
الإجراءات ديال البحث المنجزة فهاد القضية، حسب المصدر نفسه، مكنات من توقيف 3 ديال الناس كينشطو ف التنظيم ديال عمليات لحريك مقابل مبالغ مالية متفاوتة القيمة، كما تم إيقاف مالك منزل يشتبه في ارتباطه بهذه القضية، واللي مكنات عمليات التفتيش داخله من ضبط 17 مرشحا للحريك، من بينهم 14 جزائريين.
كما حجز البوليس فهاد القضية باسبورات وسندات هوية جزائرية، وصدريات للنجاة، وجنوية كبيرة، ومضخة خاصة بالقوارب المطاطية، وتيليفونات، علاوة على مبالغ مالية بالعملة الوطنية والأوروبية وسيارتين يشتبه في استخدامهما في نقل المرشحين للهجرة غير المشروعة.