صاحب لويزا السائحة النرويجية اللي ذبحات فشمهاروش: كنفيق كل صبح وكنتمنى نكون غي حلمت وصافي وانك مامتيش وباقيا معاي.. كنبغيك وعمرني ننساك – صور

“گلين مارتن” صديق لويزا فيستيراكر جيسبرسين، السائحة النرويجية الي تذبحات هي وصديقتها مارن فعملية ارهابية فقرية امليل حدا شمهاروش، كتب عليها منشور عبر صفحتو الخاصة فالفيسبوك، ورفقو بعدة صور ديالهم بجوج.
وقال فهاد المنشور ان لويزا كانت بمتابة الشمعة اللي كتضوي الشمعات الاخرين، واضاف: “هاد الايام الاخيرة، كنفيق كل صبح وكنتمنى نكون غي حلمت وصافي وانك باقيا عايشة وباقيا معايا”.
وكتب مارتن لصاحبتو رسالة زوينة ومؤثرة عبرلها فيها على الحب ديالو وعلى الانسانة الرائعة اللي كانت، وقال ان لويزا ديما غتبقا طرف منو ومن اصدقائها وعائلتها اللي كيبغيوها وعمرهم غادي ينساوها، وزاد انه يعطي اي حاجة باش يقدر يقول للويزا مرة اخرى انها زوينة وانه كيبغيها.
وختم مارتن رسالتو بالقول: “الناس اللي كنبغيو بزاف مايمكنش نفقدوهم حيت كايوليو طرف منا للابد، ماغاديش نقول وداعا ولكن الى اللقاء”.