نايضة ففرنسا. البوليس طلق قنابل مسيلة للدموع على الناس..والمتظاهرين: بغينا ماكرون يستاقل – صور

قوات الأمن الفرنسية طلقات قنابل مسيلة للدموع ومدافع المياه على آلاف المتظاهرين اللي كانو باغيين يقربو من قصر الايليزي، في باريس، وهادشي وسط الاحتجاجات اللي دعت ليها حركة “السترات الصفراء” رفضا لقرار الحكومة برفع أسعار الوقود.
وبدات الاشتباكات بعدما حاول عشرات المتظاهرين يفوتو الطوق الأمني باش يوصلو لمقر إقامة ماكرون، اللي كيطالبو المحتجين باستقالتو.
وكانت السلطات حظراتهم من التجمع حدا الإليزي وحددت منطقة “شون دو مارس”، قبالت برج ايفل، كموقع للمظاهرة الاحتجاجية.