جات لعائلتها بفاس ولاحت راسها من السطح

علمت “كود”، من مصادر محلية، أن مستودع الأموات بالمستشفى الإقليمي بفاس، استقبل هاد انهار ديال الجمعة، جثة هامدة ديال واحد السيدة لاحت راسها من سطح منزل عائلة زوحها واللّي كاين فتجزئة فدوى بمنطقة بنسودة.
وحسب المصادر نفسها، فإن الهالكة كانت جات تشوف نسابها من مدينة الداخلة مع الزوج ديالها لكن سرعان ما أقدمت على الانتحار في غفلة من الجميع، دون الكشف عن أسباب هاد الفاجعة اللّي صدمات سكان الحي. بينما تتواصل حاليا التحريات الأمنية لتحديد أسباب الحادث.