ازمة جديدة فالباطرونا. تربية البصري اللي كيرأس الفريق خرج بيان يسب نايلة التازي بلا خبار الاعضاء لخراين

علمت “كود” ان حيفظي اللي بقى رئيس فريق الباطرونا فمجلس المستشارين واللي كيلحس الكابا بزاف للفعفاع رئيس الباطرونا اللي ما عمرو كان باطرون٬ خرج بيان البارح كيسب المستشارة فنفس الفريق نايلة التازي وكيرد عليها٬ ما كانش فراس كاع الاعضاء.
وفق مصدر “كود” فان هاد البيان دار بالتخبية وتوزع على الصحافة بلا خبار هاد الاعضاء. المصدر استغرب في تصريحه ل”كود” كيفاش تحول نقاش لتمجيد هاد حيفظي اللي كان واحد الوقت مدير ديوان ادريس البصري وزير الداخلية الراحل.
اكثر من عضو تفاجأ من هاد البيان اللي خرح البارح. ويتوقع ان يكون هاد الشي تم بالتنسيق مع الفعفاع صلاح الدين مزوار