البيرا والويسكي والرُّوج.. الحكومة معولة على مليار ونص درهم باش تنعش الخزينة ديال الدولة وها شحال باغية تجني من الرسوم ديال الكَارُو

الحكومة ديال العثماني باغية تنعش الخزينة ديال الدولة على ظهر البيرا والويسكي والروج. هادشي بان فالجدول ديال الميزانية العامة ديال الدولة. وكيف جا فالمشروع ديال قانون مالية 2019 فإن الحكومة معولة على إنعاش الخزينة بالنسبة للنسبة للرسوم الداخلية على الاستهلاك المفروضة على هاد المشروبات ب678.153 مليون درهم.
وبخصوص داك الرسوم المفروضة على البيرا. الحكومة كتوقع باش تواصل هاد المداخيل لنحو 823.850 مليون درهم، مقابل تحصيل ما مجموعه 1 مليار و502.700 مليون درهم من الرسوم الداخلية على الاستهلاك فما يخص جميع أنواع المشروبات الكحولية.
وحتى الكارو طلقات الحكومة عينيها عليه. وتوقعات باش تجني من الرسوم المفروضة عليه اكثر من 11 مليار درهم فالعام الجاي ديال 2019.