واحد النكرة خدامة ف”شدى اف ام” ما عندهاش حتى الجهد تهدر على المؤخرات وكتسب فالمواقع اللي هدرو على كارداشيان: لا نيفو لا اسلوب. منين جابوها منين

الاذاعات الخاصة حالهم معروف. كاين اللي كيسوق السحر وكاين اللي كيسوق الشعوذة. ما علينا ما علينا كاينة الهاكا دير خدمتها مع هاداك المواطن الكندي المقيم في المغرب جمال الناجي المدير العام فهاد المؤسسة يدير خدمتو ماشي اللي دار ليه صورتو فغلاف مجلة تابعة لاذاعتو يعطيه كارط بلانش.
اليوم غاديين نهدرو على شي بنت نكرة. طبعا غاديين تقولو نكرة وعلاش تهدرو عليها؟ غاديين نجاوبوكم باللي دازت فاذاعة “شدى اف ام”. هاد السيدة بغات تهدر على كيم كارداشيان المغربية. سباتها ودارت اللي كيديرو الدعاة الاصوليين. الوعظ والارشاد. كتعطيها النصائح. حتى هادي تقدر تقبلها تجاوزا. لكن وصلات بيها الوقاحة حتى بدات كتنتاقد المواقع الاخبارية اللي هدرات عليها.
واش شغل بوك نهدرو عليها ولا اللا. واش خاصنا ناخدو موافقة من جدك باش نتكلمو على كيم كارداشيان ولا اللا. واش خاصنا تصريح مكتوب من رشيد حياك باطرون “شدى اف ام” باش نكتبو عليها. واخا رشيد ما كيبيغش الصداع وداخل سوق راسو وحتى عماد قطبي المسؤول الجديد بالاذاعة مدير البرمجة والبث ما عمرو وصلات بيه الوقاحة يهدر فخدمة لخراين. السيد هاز النيفو وعارف حرفتو
شوفي لالة ايلى عندك مشكلة مع الفورمات ما تعلقيش شماعتك على المواقع. تسريحة شعرك ووجهك كتعطي شوية من شخصيتك. عصيرك ضعيف. ناقصاك لقراية. سخريتك مقودة. ما قاداش تقولي حتى المؤخرة او الترمة. كاليك مؤترة.
ما سوقناش فالاذاعة ولا المستعمين هادوك هما يدافعو على ريوسهم.
عطاك خاطرك تنقصي من بنت مغربية بطريقة مفيها حتى غرام ديال “المنشطات الإذاعية” وكتعصري في الميكرو معرفناك معصومة ولا فيك الزحمة. إيوا ألالة حنا غادين نقولو ليك حيدي منك سم العيالات، وسيري خدمي على فورمتك حتى نت باش يبرد لك خاطرك.
والسيد لي معاها نهار وماطال وهو كينتاقد الحموضة في انستغرام بقى كيسرح ليها وينكف وكيضحك من نيفو. ياك أسي؟ مفخباركش أن أكبر حامضة هي لي جالسة قدامك تتعوج غير بوحدها.
شبيهة كيم كاردشيان ترونكيل مع راسها، معندها مشكل مع حتى واحد، عايشة بيس ومتصالحة مع فورمتها ومؤخرتها، وبنادم معرت مالو.