المتحف اليهودي ف بلجيكا يكرم عائشة الشنا

اختار المتحف اليهودي ف بروكسيل هاد الاسبوع تكريم عائشة الشنا بحضور السفير محمد عامر و عمدة بروكسيل و شخصيات اخرى من الجالية المغربية.
عائشة الشنا اللي دارت جمعية لرعاية الامهات العازبات و اليتامى و حصلات على عدة اوسمة من عدة دول ومنظمات و تكريمات عاودات حياتها و تفاصيل نضالها اللي ماكانش ساهل، كما عاودات على الاستثناء المغربي اللي كايتمثل ف التعايش بين المواطنين المغاربة يهودا و مسلمين.
الحضور المتواضع و طريقة حكي السيدة الشنا المسترسل شد مزيان الحضور اللي كان اغلب حضوره من العيالات اللي زغردو و غناو ليها كنوع من الترحيب و التكريم.