بنعرفة معندوش لاش يحشم.. قاليك غادي يقدم تقرير سياسي مفصّل أمام برلمان “البي جي دي” وغادي يهضر على الأداء الحكومي

رئيس الحكومة، سعد الدين العثماني اللّي غير داوي مع راسو قاليك يا سيدي غادي يقدم تقرير سياسي مفصّل أمام المجلس الوطني ديال “العدالة والتنمية” اللّي غادي يدير دورة استثنائية غدا السبت فبوزنيقة. مزال معرفنا هاد التقرير شنو غادي يتضمن.
ماشي غير هادشي. عبد العالي حامي الدين بصفته نائب رئيس المجلس الوطني لحزب العدالة والتنمية كاليك فواحد التصريح اعطاه لموقع “المصباح” أن هاد الدورة غادي يسلطو فيه الضوء على أداء الحزب حكوميا وبرلمانيا.
دبا بغينا نعرفو هاد السي بنعرفة شنو اعطا لحزبو داخل الحكومة. وشنو غادي يقول لبرلمان البي جي دي اللّي مزال كينادي بصوت “بغينا بنكيران”. مشاريع كثيرة بزاف بزاف باين غادي يقولها بنعرفة كانت دارت وبدات فعهد الزعيم بنكيران.