فلوس الشعب السعودي كيشفروهم امراءهم وكيجيب اللي يشفرهم هما. داو لاميرة سعودية 800 الف اورو

شي يسرق شي وشي ياخد لشي. مرة اخرى تشفر شي حد مشهور فباريس. هاد المرة مشات فيها اميرة سعودية. على حساب شرطة باريس فان اميرة سعودية بلغات على شفرة ديال مجوهرات قيمتها 800 ألف يورو (930 ألف دولار) من غرفتها بفندق ريتز بباريس.
دابا ما گالوش شكون هاد الاميرة. اللي گالوه هو ان هاد المجوهرات ما لقاتهاش فكوفر الغرفة وباللي الشفرة كانت الجمعة.
طبعا اللي داروها حرايفية ما خلاوش الاثر.
هاد الريتز تشفر جوجت المرات هاد العام. الاولى دخلو وداو مجوهرات كانت فالريسيبسيون ومشاو.
المصيبة ان هاد الامراء والاميرات السعوديين ديما كيتعرضو للشفرة. مرفحين بزاف حقاش ماديين فلوس السواعدة كيجيب ليهم اللي كيرزيهم حتى هما ويدي ليهم فلوس ومجوهرات.