ودابا شكون حرك هادو. شي عاطلين مشاو لدار بنكيران وحملوه مسؤولية ورفعو شعارات ضدو

علمت “كود” ان بعض العاطلين اللي باغيين يخدمو بزز ناضو اليوم الاربعاء تاسع ماي 2018 مشاو لدار رئيس الحكومة السابق عبد الاله بنكيران فحي الليمون بالرباط ورفعو شعارات ضدو ووصفوه بالشفار.
واش هاد الشي معقول دابا السيد حيدوه من رئاسة الحكومة واخا ربح الانتخابات ودرنا ردة ديموقراطية غادييين نبقاو نخلصو عليها وعلاش مشاو عندو وهو ما بقات عندو مسؤولية. ياك حزبو هو اللي باقي فالحكومة ويحتجو عليه.
ثم هاديك القضية ديال يخدمو حقاش كيحتجو راها سالات كيف القضية ديال هادوك الاساتذة اللي وقعو عقد باش يدخلو بعقد ودابا باغيين يلويو يد الحكومة. شكون وقف هاد العبث اللي عايشينو