دابا هاد لبلاد عوجا. تصورو كون شي حد من البي جي دي دارها اش غادي يوقع. برلماني العود مول الموستاج اللي شوه فالبرلمان استغل خطبة الجمعة ودار حملة انتخابية وفالاخير اعتاذر =فيديو

تصورو معايا واخا البي جي دي زمن بنعرفة مشوهة بزاف٬ لو ان برلماني من هاد الحزب سالى خطيب الجمعة وناض خدا الكلمة وهدر على مشاكل مواطني دائرته اش غادي يوقع. القيامة غادية تقوم فالبلاد.
البرلماني العلوي عن حزب الاتحاد الدستوري باقليم الشاون يحول منبر المسجد بعد صلاة الجمعة الى منبر سياسي ودعاية سياسية .. كون دارها شي واحد من البيجيدي كون ناضت عليه الروينة
Publiée par GOUD sur Dimanche 2 septembre 2018
هاد الشي دارو هاداك مول الموستاج اللي تلفو عليه لوراق وما عرفش يطرح سؤال فالبرلمان واسمه عبد الله العلوي وهو من الاتحاد الدستوري. سالات الجمعة خدا الكلمة وقلبها حملة انتخابية فجماعة تامورت بدوار بوصمعة باقليم شفشاون.
اش وقع من بعد؟ السيد اعتاذر وكان شيئا لم يقع. ما حد تابعو ما حد احتج.