فالمغرب مصاب غير يفهمو ان المرا من حقها تخدم. وزير نرويجي استاقل باش يعطي الاولوية للخدمة ديال مراتو: نوبتها دابا باش تحقق حلمها

ووزير النقل النرويجي، كيتيل سولفيك أولسن، علن اليوم الاربعاء على استقالتو من الحكومة باش يعطي الاولوية للمسيرة المهنية ديال مراوتو الي كتخدم كطبيبة. والكل رحب بهاذ القرار المثالي في ما يخص المساواة بين النساء والرجال.
وقال الوزير النرويجي الي تعين فهاذ المنصب ف 2013: ” خدمتي كوزير ديال النقل والمواصلات عجباتني بزاف، وكونت نقدر نديرها حياتي كاملة، ولكن جات نوبت مراتي باش تبع حلمها. هادشي تفاهمنا عليه شحال هادي”.
مراتو، تون سولفيك أولسن، تقبلات لمدة عام كطبيبة في مستشفى ديال الاطفال فالولايات المتحدة.