وا لكذوب. هاديك يسرى عشوان اللي سمات راسها شاعرة وكلشي شاد فيها ما عمر محمد السادس عطاها وسام وطلعات كتكذب =فيديو وصور

اجرت “هسبريس” حوارا مع شي وحدة اسمها يسرى عشوان قالت باللي عزيز عليها تكتب الشعر واخا هاداك الشي عندها ضعيف بزاف ما يصلحش حتى للخواطر ديال المراهقين. المشكلة ماشي فشعرها اللي ماشي شعر ولكن فتقديمها باللي خدات وسام من عند الملك والسيدة طلعات كتكذب. حقاش ففيديو هسبريس وقبل منو كاع كتقول انها اول شاعرة كتاخد وسام ملكي.
قبل كاع من هاد الحوار قالت ل”دوزيم” كذبة اكبر. باللي خدات وسام ملكي
الملك بالفعل استقبلها فعيد الشباب 21 غشت 2013 ولكن ما عطاهاش وسام ولا مولاي بيه. قدموها الملك ديك الساعة: “الانسة يسوى عشوان تلميذة بثانوية بالدار البيضاء تهوى الشعر” وقدمت “لجلالة الملك ديوانا شعريا بعنوان زهرة الاقحوان”. يعني غير قدمات ليه كتاب وصافي. لفضيحة بالفعل ماشي غير تقول انها عندها وسام وهي ما عندها حتى زفتة وشكون للي جابها باش تقدم للملك هاداك التخربيق ديالها. هاداك خاصو يتحاسب.
دابا هاد السيدة كلشي شاد فيها على كتبتها العيانة واجوبتها الغبية. وحدة مازال ما شداتش الطريق وبدات حياتها بكذبة.