البوشحاتي ل”كود” عن اللي تصور معاه وجر ميسي : ما عمرني شفتو واول مرة كتشوفو فحياتي وانا تلقيت دعوة من الجامعة

قال نور الدين البوشحاتي العضو الجامعي السابق ل”كود” انه ما كيعرفش هاداك اللي جر ميسي البارح فماتش ملعب طنجة بين البارصا واشبيلية٬ واكد ل”كود” باللي هاد السيد اللي بان فالصورة حداه ما عمرو شافو فحياتو.
هاد السيد وفق مصدر “كود” دخل فالدوزيام ميطان للماتش وريح فبلاصة البوشحاتي بالقرب من رونار مدرب المنتخب المغربي وتصور معاه كاع. باش جا البوشحاتي طلب منو بلاصتو. باش قرب ميسي تلاح للصف الاول وجرو
بخصوص الصفة اللي دخل بيها البوشحاتي قال ل”كود” “انا تلقيت دعوة شخصية من الجامعة لمسؤول جامعي سابق وما جا معايا حد”.
وكانت “كود” كشفت في وقت سابق ان الامر يتعلق بمصطفى مسترزق كيبيع الخضرة وهو من عين عتيق.