لمغاربة طار ليهم لفريخ . مرا فامينتانوت خرجات مصارن حمار: عجبني الحال وأنا كنذبحو (صور)

قتلات واحد المرا فمدينة “ايمنتاتوت” حمار، بعدما طعناتو بجنوية كبيرة بزاف ديال المرات بطريقة وحشية ، بحالا بيناتهم حسابات، ومحبساتش حتى خرجو مصارنو وخوات فيه سمها، فمشهد رهيب جدا بمنطقة واد إيمينتتانوت بالقرب من القنطرة.
وقالت مصادر محلية أن المعتدية بعدما قتلها الحمار، هربات لجيهة الشارع العام فالمدينة، وهي هازة السلاح الأبيض وكلها دمايات فمشهد خلع الناس بزاف، وجعل عناصر الشرطة ومعاهم القوات المساعدة يتدخلو بسرعة، ويعتاقلوها قبل ماتدوز للمواطنين وتدير ليهم مدارت للحمار المسكين.
وفاش أستجوبوها على سبب إرتكابها لهاذ الفعل القاسي، جاوبات بكل برودة “عجبني الحال وأنا كنذبحو”.