انفراد. واش المغرب كان ورا قتل اكثر الدواعش خطورة فليبيا. القضاء على البرعصي اللي جند غالبية الدواعش المغاربة واشهرهم ابو عمر المغربي: شحال كانو كيفاش كيدخلهم لبرقة =صورته بعد العملية

عملت “كود” ان القوات الليبية قتلت فجر السبت الماضي احد اشهر وجوه داعش في ليبيا محمود البرعصي. القضاء على هاد الداعشي الكبير جا وفق مصدر “كود” بدعم من دولة صديقة. وموحالش كاين شي دولة صديقة اكثر منا. فالمغرب اكثر الدول كانت كتقلب علي هاد الداعشي. علاش؟ حقاش وفق مصدر “كود” هو اللي كان كيجند المقاتلين المغاربة باش يلتاحقو بالاراضي الليبية.
فعدد المغاربة وفق ما سبق ونشره “معهد واشنطن لدراسة الشرق الادنى” يصل الى 300 فيهم شي قياديين. لمغاربة هما الثانيين بعد التوانسة 1500 وبعدهم جات الجزائر ب130 مقاتبل.
تقرير المعهد اكد ان من ضمن المسؤوليات داخل تنظيم اطلق عليه دواعش ليبيا “ابو بكر البغدادي”٬ هو هارون المغربي وابو عمر المغربي.
طبعا التجنيد قام به البرعصي ومعروف انه هو من جند القيادي في التنظيم الارهابي ابو عمر المغربي.
كاين نقطة اخرى ديال هاد القيادي فانصار الشريعة ماشي غير كان ضد اتفاقية الصخيرات بل انو كفرهم واعتبرهم كفار ومرتدين.
لكن كيفاش كان كيجند لمغاربة؟
البرعصي جند التوانسة والمغاربة فولاية برقة فالشرق الليبي. هاد الشخص كان ضمن ثلاثة ارهابيين يديرون هاد الولاية عسكريا. هو كان ملقبينو ب”امير بنغازي” في كتيبة يطلقون عليها “حودة البغدادي”.
بعد ما كان يتم اقناع دواعش المغرب بالالتحاق بليبيا كان المقاتلون ينتقلون من الحدود المغربية الجزائرية ثم يتجهون اولا الى عنابة الجزائرية فسرت عبر نقاط عبور مثل الدبداب وتمتراست وجانيت