فوزي لقجع خرج رابح كاع اللي ضربوه وحاربوه وحفرو ليه. جماهير المنتخب تصورو معاه وباسوه وشكروه وهادوك اللي كانو كيتسناو الاقصاء المذل تقولبو

فوزي لقجع رئيس الجامعة الملكية لكرة القدم كان من ابطال هاد المونديال. السيد تعرض للضرب والجرح. سبوه وشهرو بيه. البارح تعوض ومن من؟ من الجمهور المغربي للي حضر الماتش. كانو كيتصرفو معاه اكثر من تصرفهم مع بعض لاعبي المتنخب. ها البوسان ها التعناق. “شكرا لقجع”. “ميرسي بريزيدون” عاودوها عدد من الجمهور اللي كانت البارح حتى هو راجع للمغرب
لقجع كانو بزافت الناس كيتسناوه فالمونديال. كانو باغيين المنتخب يخسر باش يقلبو عليه الطبلة. يحملوه كلشي. التحكيم والتدريب واللعابة. المخطط ديال هادو فرشوه لمغاربة. كنتلكم على الاسود. دارو ماتش كبير بزاف بزاف.
واخا ما تأهلناش للدور الثاني ولكن لقجع عندو شعبية كبيرة.