حكيمي: المنتخب الوطني كيستاحق يودع كاس العالم بطعم خاص من أجل الناس لي كيدعمونا فجميع أنحاء العالم

قال أشرف حكيمي فتصريحاتو لصحفية “ماركا” الإسبانية، أن المنتخب الوطني كيستاحق وداع كأس العالم لكرة القدم فروسيا بنتيجة إيجابية.
وأكد حكيمي:” عارفين أننا تقصينا ، ولكن غادي نحاولو نخرجو بمذاق جيد من أجل الناس الي كيدعمونا، ماشي غير هنا، بل في جميع أنحاء العالم”.
وأضاف:”غانحاولو نذيرو لي فجهدنا ، ونقدمو بعض المتعة للجماهير، عارفين أن إسبانيا كتلعب باش تتأهل للدور الثاني، لكننا كنستاحقو االخروج بنتيجة جيدة، لاروخا فريق رائع وعندهم لعابة ممتازون، وهم من بين المرشحين للفوز بكأس العالم”.
وقال على زميلو فريال مدريد الإسباني ، اللاعب البرتغالي “كريستيانو رونالدو”: ” مدهشنيش مستواه فالمونديال، حيت كنعرفو مزيان ، هو الأفضل فالعالم فرأيي ، وفالحقيقة أنا سعيد بزاف بهادشي لي كيقدم حيت كيستاحقو” .