قطر دارت زوين بزاف مع المغرب. دارت بيان معانا وكتعتارف بمغربية الصحراء واخا وغامرات بزاف بعلاقاتها الاستراتيجية لكبيرة مع ايران

بزافت الناس هاجمو موقف قطر بخصوص قضية سحب المغرب سفيره من ايران وطرد القائم باعمال السفارة الايراني من المغرب على خلفية دعم حزب الله للبوليساريو. الخارجية القطرية عبرت الثلاثاء الماضي “عن تضامنها العميق والكامل مع المملكة المغربية في “المحافظة على سلامة ووحدة أراضيها في وجه أية محاولات تستهدف تقويض هذه الوحدة، أو تستهدف أمنها وسلامة مواطنيها”.
واكدت على “أهمية احترام المبادئ التي تحكم العلاقات بين الدول وفي مقدمتها احترام السيادة”، وكذا “عدم التدخل في شؤونها الداخلية وحل الخلافات بالحوار ومن خلال الوسائل والطرق السلمية المتعارف عليها دوليا”.
طبعا الاماراتيين والسعوديين دخلو فايران حقاش كاينة حرب بيناتهم.
الملاحظ ان ناصر بوريطة وزير الخارجية والتعاون الدولي ردد اكثر من مرة باللي قرار المغرب سيادي كاع ما عندو علاقة اش كيتوجد فالشرق الاوسط ومع ذلك قليل اللي صدق هاد الشي فايران وحزب الله وصحابهم فالمغرب.
لكن واش قطر كانت عندها الشجاعة باش دير هاد الشي؟ حسب مصدر “كود” فان هاد الدولة غامرات بعلاقاتها الاستراتيجية والحيوية باش تخرج هاد البيان. فايران فالوقت الحالي عاطياها المنفد الوحيد اللي كتزود بيه بعد ما سدات عليها دول الخليج ومع ذلك زعمات ودارت بيان.
“كود” كانت كشفت في وقت سابق ان العلاقات المغربية القطرية مزيانة بزاف وان هاد الدولة معتارفة دابا بمغربية الصحراء.