ردو البال لولادكم. شدو عصابة خطيرة متلبسة بإختطاف وليد صغير خارج من الروض فأكادير (فيديوهات)

شدو مجموعة من المواطنين، واحد العصابة كتخطف الأطفال، بعدما حاولو يخطفو طفل وهو خارج من حضانة وسط أكادير .
وحسب تسجيل الفيديو لي تداولوه مجموعة من الصفحات الفايسبوكية، كيبانو فيه بزاف ديال الناس دايرين بهاد المختطفين الي هما رجل وإمرأة، بعدما شافوهم متربصين بطفل وشدوه و باغين يديوه بزز معاهم، بعدما خرج من روض فحي “تادارت” بمدينة أكادير .
حسب مصادر محلية، فصحاب شرع اليد ضربو المختطفين، قبل مايوصلو المصالح الأمنية الي داوهم، في إنتظار يتحالو على أنظار المصلحة الولائية باش يحققو معاهم .
واسفرت التحقيقات الأولية مع المشتبه فيهما، حسب بعض المصادر، على انهم كيشفرو الأطفال بغرض الإتجار فأعضائهم .
حضيو ولادكم. شدو. عصابة فأكادير كيسرقو. الدراري الصغار وكيبعيو الاعضاء ديالهم
Publiée par GOUD sur vendredi 20 avril 2018

حضيو ولادكم. شدو. عصابة فأكادير كيسرقو. الدراري الصغار وكيبعيو الاعضاء ديالهم
Publiée par GOUD sur vendredi 20 avril 2018