اوبير هربات من المغرب. وقفات نشاطها وجمعات باليزتها و19 الف مستعمل يضاربو مع فضايح الطاكسيات الحمرين

اوبير وقفات نشاطها فالمغرب. هاد الشي اللي جا فبيانها. البيان قال باللي اوبير دارت كلشي باش تخدم مع السلطات العمومية لايجاد حل متفق عليه. واضاف البيان “للاسف منذ بدايتنا في المغرب قبل 3 سنوات ما بانش لينا شي وضوح فتطبيق بحال اوبر فالموديل ديال النقل الموجود”.
واضاف ان المغرب فيه 19 الف مستعمل ليه وخدامين معاهم 300 سائق ولكن “القانون الحالي ما مضمونش وما كيسمحش باش تولي تجربتنا مضمونة ودايمة”. واعلن انه وقف عمله هاد السيمانا
واضاف البيان بللي غاديين يرجعو باش تكون قوانين جديدة.
اوبير ما قالتش المشاكل لكبيرة اللي عاشوه مع الطاكسيات الحمرين. الطاكسيات اللي كيحكمو فكازا. موسخين فاغلبيتهم وكيبزنزو فلكيان وما كيوقفوش وباش جات اوبير ناضو بغاو يحيدوها. باغيين يبقاو بوحدهم. الدولة بانت ضعيفة قدامهم. المشكلة لكبيرة ان الطاكسيات غير ريع ما كيربحو والو للدولة. لا كيخصلو ضرائب لا والو ومع ذلك دايرين ما بغاو