ابن عرفة البي جي دي اللي كيحلش فمو قد سيادو اللي حطوه كيضحك على شبيبة حزبو وكيبيع ليهم الوهم: ما تصنتوش اللي كيحلمو يحتلو المرتبة الاولى حزبنا غادي يكون الاول

حزب العدالة والتنمية اللاور اللاور من نهار وصل ليه ابن عرفة الحزب وولى رئيس الحكومة فبلاصة عبد الاله بنكيران. اليوم بغى يبان عندو نياب وقال فافتتاح مؤتمر شبيبة الحزب ببوزنيقة " لا تنصتوا لمن يقولون ويحلمون بأن يحتلوا المركز الأول في الاستحقاقات القادمة، فحزب العدالة والتنمية هو الأول، وسيظل الأول مادمنا متشبثين بمبادئئا"
ابن عرفة كيضحك على كلشي. كيفاش يربح وهو من نهار وصل المقاطعة غادية وتزاد. كيفاش يربح وهو واللي معاه تصرفو مع الامين العام السابق بهاديك الطريقة. كيفاش يربح والحزب غادي ويفقد الاصوات ويفقد المقاعد فمجلس النواب اخرها مقعد بقلعة من قلاع الحزب بالعرائش
هاديك الهدرة ديال ابن عرفة "أنتم جيل المستقبل، يجب أن تبنوا حزب العدالة والتنمية على أسس متينة وستأتي انتخابات 2021 وسينتصر وسنحصل على المرتبة الأولى" غير هدرة. لا وزرا يحتارموه لا صورة ايجابية عندو عند الناس. حتى اليوم عاد بغى يزايد".