يوميات ابيدجان: اجواء زوينة. الشطيح والموسيقى والرقص الروح الرياضية والإعلام المغربية قبل انطلاق مباراة الكوت ديفوار المغرب

النشاط والشطيح فالصف قبل الدخلة لملعب فيليكس هوفويت بوانيي بابيدجان بالكوت ديفوار. منذ الواحدة ظهرا والجمهور الإيفواري والمغربي دايرين الصف باش يدخلو للملعب. الايفواريون كيف عاينات "كود" عندهم ثقة كبيرة للفوز لكن عندهم روح رياضية مزيانة. كيضحكو كيصورو مع الجمهور المغربي. الإيفواري حتى وهو كيتمنى ليك الخسارة كيضحك وكيقشب. كانت بعض الأحداث البسيطة لشي وحدين بغاو يدخلو بصاح ودارو ليهم لاكريموجين باش يبعدو. حادث بسيط ما فسدتش الجو الاحتفالي الكبير هنا
حتى الجمهور المغربي هنا شاد الصف ومحتارم راسو. لابس التوني وهاز الراية وكيردد شعارات.
باقة جوج سوايع على الماتش. نص الملعب عمر. النشاط موجود كلشي فالحقيقة موجود باش يكون ماتش فاعل تارك. باش يتفرجو ويتمتعو