ها علاش اخنوش ما جاش فيه زلزال "منارة المتوسط". واقف على شغلو وهاد النهار دوزو فاقليم الحسيمة

باقية الهدرة على عزيز اخنوش وزير الفلاحة والصيد البحري والتنمية القروية والمياه والغابات والزلزال السياسي بسباب "منارة المتوسط". الزلزال ما جاش فيه حقاش السيد كيخدم. فهاد الجو باللي بزافت الوزرا ناعسيين حدا ابن عرفة اخنوش كان واقف على شغلو فالحسيمة. مشى دار فهاد الاقليم وشاف فين وصلو مشاريع تهم المغرب الاخضر ومشاريع اخرى ضمن مشروع "الحسيمة: منارة المتوسط".
بخصوص المغرب الاخضر٬ وحسب بيان للوزارة٬ فانه "فمنذ العام 2009 تم إطلاق 22 مشروعا ضمن الدعامة الثانية لمخطط المغرب الأخضر بإستثمار إجمالي بلغ 655 مليون درهم ". غير ديال التشجير بلغت 16,500 هكتار من أصل 18,000 المحددة ضمن أفق 2020. وتم "إطلاق 4 مشاريع تهم السلاسل الحيوانية بالمنطقة موجهة ل900 مستفيد وبغلاف مالي يبلغ 57 مليون درهم".
وكاين شي مشاريع تابعة ل"الحسيمة منارة المتوسط" وحسب البيان فقد بلغ غرس الأشجار المثمرة بدوره نسبة مهمة من تقدم الأشغال، حيث تم خلال العامين 2015 و 2016 غرس 2170 هكتار.
طبعا كاينة امور كثيرة كتخلي هاد الوزارة بحالها قلال بزاف وجدو خدمتهم بحال شي ولد مجتهد فالقسم وكيتسناو لخراين يساليو