حسبان محيح عى "كازا إيفنت" وباغي احيد ليهم بيع التذاكر

انتفض سعيد حسبان، الرئيس ديال الرجاء في الوجه ديال المسؤولين ديال كازا إيفنت، لأنهم مبغاوش اعطيهم مسؤولية بيع التذاكر ديال المباريات ديال الفريق.
الطرفان عقدوا اجتماع الصباح في مجلس المدينة، وحسبان قاليهم خصنا نبيعوا التذاكر في أماكن مختلفة في الدار البيضاء، ونقربوا التذاكر من الجمهور، ولكن كازا إيفنت مبغاوش، وقالوا الناس لغادي ابيعوا غادي اشوهوا الصورة ديال الشركة، الأمر لعصب حسبان، وخلاه احيح عليهم.
وطلب حسبان من مجلس المدينة احيد عملية بيع التذاكر لكازا إيفنت، وخلي الفريق اتكلف كيف كان كيدير في السنوات الماضية، ولكن المسؤولين مبغاوش، واخا عملية البيع كيكون فيها مشاكل كبيرة، وكتخلي المارش نوار اولي هو لطاغي.
وطلب حسبان من المسؤولين على كازا إيفنت اديرو حلول أخرى باش اعونوا الرجاء إلى كانوا فعلا باغين احصلوا على نسبة 15 بالمائة، ولكن مازال الشركة مبغاتش دير حلول أخرى لأن معندهاش تجربة في المجال.