غاريدو غادي امشي لبلادو اسبانيا من بعد الماتش ديال طنجة

طلب غاريدو من سعيد حسبان اسمح ليه باش اسافر إلى اسبانيا من بعد الماتش ديال الرجاء مع طنجة اليون (الأحد)، باش اقضي شي أغراض ادارية ديالو ورجع من بعد للمغرب.
وطلب غاريدو اسافر مني عرف أن البطولة الوطنية غادي توقف باش العب المنتخب المغربي الماتش ديالو مع الغابون، وباش ادير المنتخب المحلي المعسكر التدريبي ديالو.
بزاف ديال الاشاعات كانت كتقول أن المدرب الاسباني غادي استقال من بعد الماتش ديالو مع طنجة، ولكن المدرب نفى هادشي وأكد أنه كيحترم العقد ديالو مع الرجاء، وأنه باغي اوفر ظروف عمل جيدة، داكشي علاش جرى على المساعد ديالو لمقدمش الإضافة للفريق، وبدا كيدير بعض المشاكل مع اللاعبين.
وخلى غاريدو اختيار المساعد الجديد للمكتب المسير باش اشوف شي لاعب سابق بالرجاء اكون مساعد ديالو لأه كيعرف لفراقي
ديال البطولة وكيعرف اللاعبين ديال لفراقي.
وكيبقى غاريدو المدرب لحقق أفضل النتائج حاليا في الدوري الاحترافي، تعادل مع خريبكة وربح الجيش ومراكش، والرجاء دابا هي الأولى في الترتيب.