وزارة السياحة ناض عليها النحل على مكتب دراسات ديال حسن بلخياط دارت بناقص: ما وقعنا حتى عقد مع شي مكتب خبرة

قال بيان لوزارة السياحة توصلت به "كود" انه "لم يتم توقيع اي عقد مع اي مكتب خبرة" واكد في بيانه "انه يجري استشارات مع عدد من الخبراء قصد انجاز خطة لانعاش وتنشيط القطاع السياحي خاصة من خلال الشق المتعلق بالنقل الجوي وذلك بتنسيق مع المهنيين
هاد الشي دارتو وزارة ساجيد بعد ما ناض ليها الصداع على منح مكتب خبرة ديال حسن بلخياط. المشكل اللي ناض هو اتهام كاتبة الدولة في السياحة لمياء بوطالب بمنح الصفقة لزميل لها عضو فالمكتب السياسي لحزب التجمع الوطني للاحرار. هاد الشي كان نفاه مصدر من الوزارة فالسابق ل"كود" وقال باللي كلشي ديال الصفقات على العموم كيديرو الوزير ماشي كاتبة الدولة