شوفو التواصل كيف داير. سيلفي الدبوز مع محمد السادس وفرانسوا هولاند صورة رسمية فموقع الرئاسة الفرنسية =صورة=

كاين اللي كيعرف التواصل وكاين اللي غير كيهدرز. اليوم وبعد لقاء محمد السادس بالاليزي مع فرانسوا هولاند٬ كان واحد لغدا فيه وزيري الخارجية ديالنا وديالهم وبعض الكتاب والفنانين المغاربة والفرنسيين وشي اصدقاء. كان من الحاضرين الفنان الكوميدي جمال الدبوز. حضورو ديما كينشط المجمع وهذا ما كان. دار بتلفونو لحمر سيلفي فيه محمد السادس وفرانسوا هولاند فالاليزي. طبعا كان مصور القصر الرئاسي اللي شد صورة ودارها فموقع الرئاسة الفرنسية.
صورة زوينة معبرة كتوضح كلشي.
الدبوز فصورة اخرى جماعية هاد المرة خطف الاضواء. كلشي كيضحك وبزاف كيشوفو فيه. واحد مهدي قطبي خرجو ليه سنان لعقل. الهمة هاداك تفرشخ بالضحك. صورة ديكالي وزوينة حتى هي القصر الرئاسي الفرنسي ختارها وحطها