انفراد. الرئيس الگابوني بانگو وحياتو هما اللي ختارو ملعب ماتش المغرب مصر ولجنة الكاف كانت ديال بلعاني والسبب سياسي

أكد مصدر دبلوماسي ل"كود" أن الهضرة ديال قيام لجنة تقنية بفحص ملعب بورجونتي والتأكد من الجاهزية ديالو قبل اختيارو باش يحتاضن ماتش المغرب ومصر مجرد فيلم دارتو الكونفدرالية الإفريقية باش تخبي الحقيقة.
الحقيقة٬ يشرح مصدر "كود" هي أن اختيار الملعب كان قرار سياسي ديال الرئيس الغابوني علي بانغو اللي خاف من المعارضة لا تحيح وتستاغل إغلاق الملعب بسباب الحالة اللي ولا عليها العشب باش تدير مظاهرات وتتهم السلطات بالفساد وسرقة الأموال اللي تخصصات لبناء الملعب اللي كان من المفروض يكون من جودة عالية.
قرار بانغو دعموا بقوة صديقو عيسى حياتو اللي طلب من اللجنة تدير زيارة ديال بلعاني للتيران٬ يضيف مصدر "كود" وتخرج بتقرير ديال بلعاني والنتيجة هي أن المنتخب ديالنا غادي يلعب فملعب ديال بلعاني كلو حفاري.