استقالة مقنعة لشباط من الامانة العامة. شي كيكول استقالة كاملة وشي كيكول جاب صحابو وكلشي باقي فيدو

بيان المجلس الوطني لحزب الاستقلال يوم امس السبت اللي قال فيها "تقديرا منه لما تتطلبه المرحلة من تضحية للمساهمة في إنجاح الرهانات السياسية، ولقطع الطريق على المتربصين بالحزب و بالبلاد، و في هذا الصدد يتجاوب المجلس الوطني مع رغبة الأخ الأمين العام في تفويض لجنة مؤقتة جزء من صلاحياته التسييرية إلى حين انعقاد المؤتمر العام السابع عشر للحزب. وتتكون هذه اللجنة من الإخوة عبد الله البقالي، نور الدين مضيان، وعبد القادر الكيحل". ما قالتش كلشي.
شباط نفسه قال في افتتاح المجلس الوطني انه اقترح استقالته وان اللجنة التنفيذية للحزب رفضت الامر. حسب مصدر "كود" فان قيام الثلاثي بصلاحيات شباط هي تعويض للاستقالة "دابا شباط ما بقى عندو مهام. الاعلام والخرجات الاعلامية تحسمات هاد اللجنة اللي مكلفة بيها والتنظيم والاعداد للمؤتمر حتى هو ما بقاش عندو والاشراف على هياكل الحزب حتى هي" يشرح مصدر استقلالي ل"كود".
الحزب اختار لشباط خرجة محترمة. الاستقالة كانت غادية ضعفو وضعف الحزب ولكن قادة في الحزب دافعوا على خروج مشرف للامين العام يشرح قيادي استقلالي ل"كود".
دابا شباط غادي يبقى شكليا حتى مؤتمر الحزب المقبل في مارس. وحتى المشاركة فالحكومة عطاو لبنكيران رئيس الحكومة المكلف بتشكيلها جوجت الاختيارات: اما يشاركو فالحكومة ولكن ايلى كان هاد الشي فيه حرج ندعمو الحزب ونصوتو عليه. من يشكك في نوايا حميد شباط يقولون باللي جاب صحابو اللي معاه وحطهم وانه يقدر يتغير من غدا ويعاود يترشح.