"فرسان الاصلاح" المحسوبين على البي جي دي فرحانين بجريمة قتل السفير الروسي وكيدعيو مع القاتل بالجنة والحزب يتبرأ: ما عندنا علاقة بيهم وشحال من مرة كاتبنا الفايسبوك يحيدهم

صفحة فرسان العدالة والتنمية سابقا ومن بعد ماسماهم بنكيران بالمداويخ وقفوا النشاط ديالهم لايام ثم رجعوا ولكن هاد المرة بإسم آخر هو فرسان الاصلاح .. اصلاح آش الله واعلم …
هاد فرسان الاصلاح كانوا من بين الاوائل لي عبروا عن فرحهم بإغتيال سفير روسيا اليوم بتركيا عبر منشورين كيمجدوا فيه الشاب التركي قاتل السفير ..
وكيدعيو معاه بالجنة ويدعونه بالشهيد ورجل في زمن قل فيه الرجال .. وتعليقات كثيرة فصفحتهم كتعتابر ان الشاب التركي بطل قومي وماشي قاتل بل مجاهد من اجل رفع راية الحق كما يظهر فالصورتين.
مصدر من الحزب قال ل"كود" "راه ما عندنا علاقة بهادو. راه ثلاثة المرات وحنا كنراسلو الفايسبوك باش يحيدو صفحتهم. كنكولو كل مرة الصفحة الوحيدة ديال حزبنا هي اللي عندها اسم الحزب".