اش كيتوجد عاود تاني وشكون المقصود. كاليك لشكر اللي قولب شباط وتخلى عليه استقبل اخنوش وكيهدرو على التنسيق والتعاون بينهما

في ظل البلوكاج الحكومي اي تحرك حزبي عندو معنى. الْيَوْمَ تلاقى إدريس لشكر، الكاتب الاول لحزب الاتحاد الاشتراكي للقوات الشعبية بعزيز أخنوش، رئيس حزب التجمع الوطني للأحرار ومعاهم رباعة ديال عُبَّاد الله بمقر حزب الإتحاد بالرباط‪. ‬
لقاء نكولو عليه عادي، ولكن بجوج الأحزاب فشلات فالانتخابات الاخيرة. واش كينسقو قبل تشكيل الحكومة ظاهريا بعدما تبادلا الغزل قبل اسابيع، هاد الشي باين
المثير فالبيان هو هاد العبارة "شكل اللقاء أيضا فرصة لاستعراض إمكانيات تعزيز التعاون بين الحزبين، والتنسيق بينهما للاستفادة من خبرات الجانبين والعمل المشترك، في ملفات تهم المستقبل".
دابا لشكر لاعب شي لعبة خدام فشي مخطط. ياك دار نفس الاجتماع مع الاستقلال وكال نفس الوعود وشي وحي خلاه يتخلى على كلشي، علاش كلبها لحزب كان الاتحاد فزمانو ما كيسميهش حتى السمية