قضية رئيس جماعة بوسكورة طلعات فيلم نيت.. وها شكون وراه

هاد الفيلم ديال رئيس جماعة بوسكورة بوشيعب طه بدا كيوضاح. في اتصال هاتفي مع "كود"، شرح رئيس جماعة بوسكورة، بوشعيب طه، كلشي حول عملية الابتزاز التي تعرض لها أخيرا.

الفيلم كامل يحكي بوشعيب طه، بدا عندما تلقى اتصالا هاتفيا من سيدة، قالت ليه بالي عندها شي حاجة كتهمو. "بغيت نعرف اش فراسها وتلاقيت معاها"، يحكي بوشعيب طه.

اللقاءات كانت جوج مرات، وبقات كتماطل فيا وعرفاتني على واحد معاها قالت إنه خوها وصدق متعاون معاها على النصب.

"ملي جات الانتخابات البرلمانية، تلهيت معاها وبلوكيت كاع النماري ديالي"، يضيف طه، قبل أن يشير إلى أنها عاودت الاتصال به وهددته قائلة "عدنا شي حاجة كتهمك وخاصك تعطينا انا وخويا/الشريك 20 مليون سنتيم لواحد ونسكتو".

"انا نضت درت شكاية عند الدرك بالابتزاز"، يضيف رئيس جماعة بوسكورة، الذي أكد أن كمينا نصب للسيدة وشريكها بإحدى محطات الوقود بمدينة الرحمة التابعة لتراب جماعة دار بوعزة بإقليم النواصر، وجرى حجز كاميرات عالية التقنية مثبتة بنظارات، وقلم، وساعة وحتى أزرار قميص.

خلال التحقيقات عند الدرك، يحكي بوشعيب طه، ل "كود"، فجرت الموقوفة اتهاما خطيرا و"قالت للدرك هاد السيد محمل مرات نسيبو ودايرين إجهاض هادي ربع أشهر، الدرك متعطلش عيط على مرات نسيبي لي كانت والدة هادي ربعين يوم ونافسة، كيفاش دارت الإجهاض هادي ربع أشهر ووالدة في أكتوبر لي فات؟" يتساءل بوشعيب طه، وهو ما اكتشفه الدرك أيضا، واكتشف علاقة مرات نسيبي بالعصابة، وراجلها حاليا معتاقل من أبريل في قضية اتجار في المخدرات.

وختم بوشعيب طه، تصريحه ل"كود"، بالقول إن الاتهامات والشكاية بممارسة الجنس مع مرات نسيبو تم حفظها، فيما واصلت النيابة العامة متابعتها للعصابة بالابتزاز ومعتاقلاهم.