المغرب هان الجزائر. رسل ليها سفير استقلالي وضعيف: باينة الوضع غادي يبقى كيف هو

المغرب ما رسلتش سفير يحمر لوجه للجزائر. رسل ليهم لحسن عبد الخالق مدير تحرير "العلم" سابقا وسفير المغرب في الاردن سابقا. صحافيا ما كانش شي حد واعر وديبلوماسيا على قد الحال ودخل في اطار "كوطا" الاحزاب وصافي.
باش تشوف عطاوه الجزائر تعرف باللي المغرب رسل ليهم واحد عيان ديبلوماسيا. السيد اللي خدم فديوان عباس الفاسي كيعرفوه الصحافيين اللي خدمو فالعلم وعارفينو اش كيسوى.
تعيين شخص مثله واستقلالي ومعروف موقف حزب الاستقلال حزب محافظ قومي يعني فقضية الصحراء مواقفو معروفة. هاد الشي كلو مزيان. المغرب بعث رسالة للجزائر. انتي كتفلاي وحنا غادين نرسلو ليكم واحد هو اللي يصلح ليكم: ضعيف وقومي