حادث الشرطة بالعيون. العائلة ل"كود": البوليس استفزنا وكال لينا انتوما بوليساريو وكرس كتف خونا وشد لاخر وتصرفو كيسيء للدولة

عبرت عائلة الاشخاص الذين دخلوا في خلاف تحول الى عنف يومه الاحد بشارع مكة بالعيون عن امتعاضها ودهشتها من اتهامات الامن لها. وقال احد افراد العائلة ل"كود" "كلشي اللي قالوه على رفض خونا يعطي لوراق للبوليس كذب. واحد البوليسي قدام فندق المسيرة بشارع مكة هادي 3 ايام فين ما يخرج خونا كيطلب منو لوراق. اليوم طلبهم كال ليه واش مقابلني غير بوحدي". القضية طورات يشرح عضو العائلة ل"كود" "البوليسي استفز الاخ اللي كان قريب من الدار وهي تخرج ختي والشرطي صفعها وهي تخرج العائلة" يضيف مصدر "كود".
القضية مشات بعيد "جا ضابط ممتاز فالدائرة 6 وسبنا وكال عليها بوليساريو. هاد السيد ما عارفش باللي حنا عائلة وحدوية عندنا اخت مستشارة الجهة واخر عضو فالصناعة التقليدية. اكثر من هادا شد خونا الصغير" يضيف مصدر "كود".
العائلة تتهم الامن باثارة الفتنة وقال ان احدهم يوجد في المستشفى بعد ان اصيب بكسر ويوجد بالمستشفى فيما الثاني معتقل في الكوميسارية. الحادث تزامن مع حفل زفاف للعائلة سيقام يوم غد. مصدر "كود" توقع ان تشهد الامور تطورات "واش بغاونا نديو العائلة كلها ونديرو العرس قدام الكوميسارية".