سعد لمجرد طلب 60 مليون باش يشارك فاحتفالات العيون اللي جمعات 200 الف شخص =صور=

تعيش مدينة العيون هذه الأيام على إيقاع سهرات فنية كبرى بمناسبة الزيارة الملكية والإحتفالات بذكرى المسيرة الخضراء.
عشرات الفنانين المغاربة ولي مثلو كل الألوان الغنائية دارو سهرات واعرة بملعب الشيخ محمد لغضف والحضور كان قياسي كل ليلة 60/ 70 ألف متفرج كلشي ناشط حتى من الناحية الأمنية ما وقعت حتى حادثة والبوليس بان ظريف بزاف ومؤدب.
واحد الفنان محلي صرح الكود هاد الشي ماعمرو دار فشي مهرجان فالصحراء كانو دايما كيحكرونا ويحطونا فالهامش واليوم الحمدو لله جمهور قياسي منصة واعرة وزوين هو ردو الإعتبار للفنان المغربي هاذ الشي هو اللي دايما كنطالبو به
وفي موضوع ذي صلة علمت "كود" ان المغني سعد لمجرد طلب عبر مانادجر ديالو 60 مليون للمشاركة في سهرات العيون. الفنان يتواجد اليوم بالامارات العربية المتحدة