ناس ديال الداخيل فرحانين بالملك وخترو يعبرو بهاذ الفرحة بالطريقة الصحراوية‎

في سابقة هي الأولى من نوعها إجتمعت قبائل الشمال التي تضم ناس ديال الداخيل الي عايشين فالصحراء ونظمو لقاء تواصلي بمنزل التيجاني رحال لترحيب بجلالة الملك بمدينة العيون .
هذ الخطوة تستمد الاهمية ديالها بكون كلشي ولف غير القبائل الصحراوية الي تنظم هذا النوع من الأنشطة ولأول مرة ناس ديال الشمال يتفاعلو بهذا الشكل مع أنشطة وطنية وهذا دليل قاطع على إنصهارهم في النسيج المحلي الصحراوي
السيد زكريا المراحي أحد منظمي هذا اللقاء أكد لكوذ بان هذ الإجتماعات درنها بطريقة المحلية باش نغيرو الصورة النمطية اللي كاينا فالصحراء على الناس ديال الشمال.
بدوره إعتبر حسن شداد أحد الحاضرين في لقاء حضرته "كود" أن الترحيب بالملك واجب وبأن قبائل الشمال بحال جميع القبائل هي مكون أساسي من المجتمع الصحراوي
والإشارة يشكل المنتمين للمناطق الشمالية أغلبية ساكنة الأقاليم الجنوبية وهذ المسألة تؤكد بأن غادي يكون عندهم دور كبير فأي حل مستقبلي لقضية الصحراء خصوصا هاذو اللي تزادو فالصحراء وعاونو فالبناء ديالها