جمهور الرجاء مقشب على بودريقة والبوصيري بأغنية.. ها آش كيقولو فيها

جمهور الرجاء دار أغنية على رئيس الفريق محمد بودريقة ومستشاره رشيد البوصيري. فتشبث بودريقة بالبوصيري، رغم الموسم الأسود الذي وقع عليه الفريق، ألهم جماهير الخضراء للاستعانة بكلمات أغنيات مغربية لتحكي من خلالها بسخرية الفصول غير الاحترافية في التسيير داخل القلعة الخضراء.

وجاء في الأغنية الرجاوي، بعد إدخال تعديلات على كلمات الأغنيات الأصلية، "بودريقة للبوصيري: إنتَ معلم وحنا منك نتعلم، نسكت ونتا موجود ما نرضى نتكلم، لي جرا عليك مايفهم يجي لو يوم ويفهم. الجراد ل بودريقة: وا مشيتي فيها الغلطة درتيها، كنتي حفرتي حفرة ودابا طحتي فيها. البوصيري للجراد: حسبني طماع وباغي من فلوسك زيادة، حسبني طماع وبغيت نعيش فسعادة. بودريقة للجراد: غضب غضب غير سير آنا مانويت غي الخير، بحالي ماتلقاش فالتسيير، شروطك بزاف عليا. الجراد للبوصيري: نتا باغي واحد يكون دمو بارد، ساكت ديما جامد يشوفك تشفر ومايدويش. البنزرتي للجراد: صافي صافي سكتو حتى كلمة صافي، صافي صافي كان قلبي معكم صافي، البوصيري مابغاش يمشي و أنا سمحت فكلشي..".