على من كيتفلى وزير الاتصال. كاليك الاذاعات الخاصة مستقلة وكتعكس التعدد ومنها اذاعات كل نهار كتخرق دفتر التحملات وحتى واحد ما يتكلم معاها

وزير الاتصال الناطق الرسمي باسم الحكومة مصطفى الخلفي كيفلى علينا. هاد الشي اللي بان. كاليك فبيان انه نهار الجمعة الماضي دار لقاء تواصلي مع جمعية الإذاعات والتلفزات المستقلة. لاحظوا ما عندناش تلفزات مستقلة لحد الان. ماشي مشكل.
الوزير قال ان الاذاعات الخاصة مستقلة وتعكس التعددية السياسية والمجالية واللغوية. طبعا هاد الشي ما كاينش. ما كتعكسش هاد التعددية. عمركم سمعتو اذاعة جابت الاحزاب المشكلة لليسار الراديكالي او حتى الاحزاب الاسلامية بحال العدل والاحسان.
الاذاعات ماشي شأن وزارة الاتصال راه الهاكا اللي مكلفة بها وهاد الهاكا ناعسة من نهار جات امينة لمريني ومعاها هاد المدير جمال الناجي اللي كان واعر فاعطاء الدروس للصحافيين باش خدا منصب اكتشف المغاربة حجمه. يوميا ترتكب مخالفات في بعض الاذاعات الخاصة ولا يحرك مدرس الصحافيين ساكنا.