دراسة: ها كيفاش كيعبرو المغاربة على إلحادهم: لوشام والشراب وافطار رمضان

كشف بحث اكاديمي لجامعة "رادبود نايمخن" الهولندية ان المغاربة غير المتدينين والملاحدة موجودين و فتزايد فالمجتمع المغربي. وجاء فالبحث ان غالبية المغاربة الملاحدة والللادينين مكيعلنوش على معتقداتهم الدينية نظرا للضغوطات لإجتماعية أو التمييز اللي ممكن يتعرضو ليه.
وسلط البحث اللي خدماتو عالمة الأنثروبولوجيا لينا ريختر، ودرات فيه مقابلات مع خمسين شاب (تتراوح أعمارهم بين 18 و35 عاما)، ملحدين ولا أدريين متعلمين من الطبقة المتوسطة الحضرية فالمغرب وأوروبا، لمسألة كيفاش هاد الفئة كيعبرو على هويتهم الدينية فمجتمع مسلم.
واوضح البحث أن هاد الفئة من الشباب ما كيعبروش على توجهاتهم الدينية بشكل مباشر وانما بأفعال خفية كيفما كتقول ريختر: "على سبيل المثال، كيديرو وشام، كيسكرو، ولا ياكلو فرمضان..."
وأشارت ريختر لأن وسائل التواصل الاجتماعي ولات ملجأ لهاد الفئة، وكتقول ريختر: "كاينين نقاشات على الدين بين الشباب المغاربة على وسائل التواصل الاجتماعي". كما تطرق البحث لمسألة التسامح والتعايش الأسري و المجتمعي فالمغرب مع هاد الفئة من الشباب مقارنة بالدول الاخرى.
رابط الدراسة