أمين عدلي وأيوب الكعبي تختارو فأحسن تشكيلة فدومي فينال اليوروبا ليگ والكونفيرونس ليگ

عرفو ماتشات لالي ديال دومي فينال اليوروبا ليگ ودوري المؤتمر الأوروبي، تألق وبصمة مغربية خصوصا انه كاين عدد مهم من اللاعبين المغاربة اللي مشاركين فيه.
وحسب مؤشر sofascore المتخصص فتنقيط مستوى اللاعبين فالمسابقات الأوروبية الكبيرة، تختار الدولي المغربي أمين عدلي نجم باير ليفركوزن الالماني فالتشكيلة المثالية ديال ذهاب دومي فينال اليوروبا ليگ بعدما تألق ضد روما الطالياني فماتش ربحوه هو وصحابو بنتيجة 2 لزيرو، وخدا النجم المغربي تنقيط 7.6.
وديما مع نفس المؤشر، وهاد المرة مع مسابقة الدوري الاوربي، واللي اختارت النجم المغربي أيوب الكعبي هداف أولمبياكوس اليوناني، ضمن التشكيلة الميثالية ديال ذهاب دومي فينال دوري المؤتمر الأوروبي، بعدما تألق ضد أستون فيلا النگليزي واللي ضرب عليهم هاتريك وساهم فالرباح ديال أولمبياكوس ب4 لجوج، وخدا المهاجم المغربي تنقيط 8.9 وهو اعلى تنقيط فالتشكيلة.