مصادر "گود": اتحاد العاصمة قررو ما يلعبوش ضد نهضة بركان بسبب خريطة المغرب وعيطو للجزائر يتشاورو

كشفت مصاد "گود" أن اتحاد العاصمة الجزائري قررو ينساحبو من ماتش روتور دومي فينال كاس الكونفدرالية الأفريقية لكرة القدم امام نهضة بركان غدا الاحد، بسبب توني الفريق المغربي اللي فيه خريطة المملكة المغربية.
ووضحت مصادر "گود" أن الاجتماع التقني اللي سالا قبل لحظات بين نهضة بركان واتحاد العاصمة الجزائري تحت اشراف مسؤولي الكاف، وعرف اعتراض مسؤولي الفريق الجزائري على توني نهضة بركان والسبب بالضبط هي خريطة المملكة المغربية.
والأكثر من هذا وحسب نفس المصادر، فالمسؤولين ديال اتحاد العاصمة الجزائري دارو اتصال بالجزائر وتشاورو واش يلعبو الماتش او ينساحبو قبل ما يقررو شنو غايديرو قبل ما يكون القرار ديالهم هو الانسحاب من لعب الماتش.