فضيحة فمصحة الزيتون بسطات.. مواطن قتلو ليه ولدو للي عاد تزاد ومبغاوش يعطيوه رابور ميديكال والقضية وصلات للنيابة العامة (وثائق)

كشفات وثائق جابتها "گود" أن مصحة الزيتون بسطات، قتلات رضيع أثناء الولادة، فبداية هاد الشهر وضربات عليه الطم وخلات والديه مكلومين ومهمومين.
وتوجه أب الطفل ومعاه مفوض قضائي للمصحة باش ياخذ التقرير الطبي ويعرف أسباب الوفاة ولكن وحدة سميتها دليلة رفضات تعطيه الرابور.
اكثر من هاد الشي بقاو تيدخلو ويخرجو عليه فالهضرا على شكون اللي ولد المراة وبقاو كيدورو فجوج سميات أو مبغاش يسلموه التقرير .
هادي فضيحة كتستوجب تدخل من وزارة الصحة باش توقف هاد الفضايح، الأب ديال الرضيع لي مات غادي يباشر المساطر القانونية في حق هذا المصحة.