إبراهيم دياز ماركا لريال مدريد قبل ما يجي للمنتخب المغربي

كيواصل النجم المغربي إبراهيم دياز التألق مع ريال مدريد الإسباني، وساهم فالرباح الكبير اللي حقق اليوم السبت على أوساسونا، ضمن الجولة 29 من بطولة إسبانيا.
إبراهيم دياز اللي لعب رسمي فتشكيلة ريال مدريد ضد أوساسونا، ساهم فالرباح الكبير للفريق فالماتش اللي حسموه الريال بنتيجة 4 لواحد، كان إبراهيم دياز مول الهدف الثالث بعدما استغل خطأ فدفاع أوساسونا وطار بالكورة وانفرد بالگول وماركاها فالدقيقة 61، والبرازيلي فينيسيوس جونيور ماركا 2 بيوتا والإسباني كارفاخال ماركا هدف واحد.
وغيجي إبراهيم دياز من بعد هذا الماتش للمغرب باش يدخل فالمعسكر التدريبي للمنتخب الوطني المغربي فمركز محمد السادس، استعدادا الماتشات الوداديين الجوج ديال الأسود ضد أنگولا وموريتانيا يوم 22 و 26 مارس.