الصبليون رحلو مغربي متورط فاعتداء جنسي بعد ما تحكم عليه ب 8 سنين ديال الحبس

karim.elsoufi29@gmail.com
قالت صحيفة "إل بيريوديكو" الإسبانية، أن السلطات الإسبانية رحلات، مؤخرا، مغربي محكوم ب 8 سنين ديال الحبس بسباب اغتصاب صبليونية واحتجازها فشقة ف بلانيس (سيلفا)، حيث تقرر استبدال عقوبة السجن بالطرد والمنع من دخول اسبانيا 8 سنين..
وحسب تقارير اخبارية، أدانت المحكمة المتهم المغربي بالمسؤولية المدنية بتعويض الضحية بمبلغ 20000 يورو عن الضرر غير المادي ومعاناتها أيضًا من أعراض أخرى مثل صعوبة التركيز أو اضطراب النوم.
وهجم المتهم على ضحيتو ف الليل مني سالات قصارة مع صحابها وبغات تمشي فحالها ونسات حقيبة اليد ديالها وسط البواط وتفاجآت بالمتهم المغربي قدامها وهو كيقنعها ان حقيبتها عندو وتبعاتو الضحية لبلاصة قريبة باش تاخذ حقيبتها، حتا لقات راسها وسط بارطما وغلق الباب عليها واعتدى عليها جنسياً مرتين.