مبابي قال لصحابو فPSG: راني غادي بحالي

علم النجم الفرنسي كيليان مبابي صحابو فباريس سان جرمان الفرنسي، انه غيمشي بحالو من الفريق اللي تألق فيه لسنوات.
وكشفت قناة RMC الفرنسية، ان كيليان مبابي استغل الحصة التدريبية اليوم الجمعة قبل من ماتش الفريق غدا السبت ضد نانت فبطولة فرنسا، وفهاد الحصة جمع النجم الفرنسي لاعبين PSG وخبرهم بلي صافي غيمشي بحالو من الفريق ملي يسالي هذا الموسم، وهذا الشي بعدما علم ادارة النادي البارح الخميس.
وكتبقى الوجهة المنتظرة لانتقال كيليان مبابي هي ريال مدريد الاسباني، غير ممكن ما يكون الانتقال ساهل حسب ما ذكرت تقارير إعلامية فرنسية وإسبانية، حيث كاين شي اختلاف بين مبابي وريال مدريد على فلوس الصفقة.