بودريقة كيرد على المشككين: العملية اللي درت على القلب نجحت وراني راجع

خرج محمد بودريقة رئيس الرجاء الرياضي والنائب البرلماني عن حزب التجمع الوطني للأحرار، باش يرد على المشككين فأنه دار عملية على القلب فالنگليز، واللي كيدعو انه هرب للخارج باش ما يتشدش فالحبس.
محمد بودريقة اللي دار 2 عمليات على القلب فلندن حسب المقربين منو، خرج يكذّب المشككين من قلب غرفة الانعاش فالسبيطار اللي ناعس فيه، وقال ففيديو له: "كنشكر الناس اللي سولو عليا وكنقولهم الحمد لله العملية تمت بنجاح والعودة إنشاء الله للعمل السياسي والرياضي".
هذا الخروج ديال محمد بودريقة غيخلي بزاف المشككين يتيقو انه داير عملية على القلب، وحتى الخصوم ديالو اللي كيروجو عليه الإشاعات غيسكتهم.